Aviasales.uz «Uyo-buyo» nomli o‘zbek tilidagi sayohat qo‘llanmasini taqdim etdi

«Uyo-buyo» mahalliy aholi tavsiyalari asosida eng yaxshi mehmonxonalar, sayr qilish joylari va fotosurat uchun ajoyib manzaralarni topishga yordam beradi. Bu noyob sayohat qo‘llanmasi birinchi marta o‘zbek tilida taqdim etilmoqda.

«Biz O‘zbekistonlik sayohatchilarning qiziqishlarini chuqur o‘rgandik va butun dunyodan gidlar, fotograf va sayohat ekspertlarini o‘z shaharlarini O‘zbekistonliklarga tanishtirish uchun taklif qildik. «Uyo-buyo» da allaqachon 15 ta mashhur yo‘nalishlar mavjud va ularning soni har oyda oshib boradi», - deydi Aviasales.uz mintaqaviy menejeri Ruslan Bayganurov.

«Uyo-buyo» dagi ma’lumotlar shahar xaritalari bilan bog‘langan, shuning uchun foydalanuvchilar osonroq yo‘nalish olishlari mumkin. Masalan, «Hududlar» bo‘limi asosiy geografiyani tushunishga yordam beradi. Istanbulning qismlari «Turistlar», «Madaniyatlar aralashmasi», «Elita», «Shovqin va shov-shuv», va «Hipsterlar» kabi nomlar bilan atalgan. Shu tarzda notanish shaharni tushunish osonroq bo‘ladi.

Sayyohlar orasida eng diqqatga sazovor bo‘lgan lokatsiyalar «Mashhur» bo‘limida jamlangan. Bundan tashqari, «Uyo-buyo» jamoasi mahalliy aholi orasida ommabop bo‘lgan joylar bilan ham bo’lishgan. Misol uchun, ushbu to’plamga Dubayliklar tomonidan «City Walk Promenadi», «Al Fahidi Tarixiy Hududi», «Last Exit Food Truck Park» kabi joylar qo‘shilgan.

Boshqa bo‘limlar orasida «Instagramdagidek joylar» - mahalliy fotosuratchilar tomonidan tavsiya etilgan shaharning go‘zal burchaklari joylashgan bo‘lim o‘zgacha ajralib turadi. Xarita esa shaharning o‘ziga xos xususiyatlarini inobatga olgan holda «Plyajlar», «Parklar va bog‘lar» kabi qo‘shimcha to‘plamlarni ham o‘z ichiga oladi.

«Uyo-buyo» bo‘limi allaqachon mavjud bo‘lib, u bilan aviasales.uz saytida va mobil ilovasida tanishishingiz mumkin.