Aviasales.uz Ramazon munosabati bilan «Qadriyatlarga hurmat bilan» nomli sayohat qo‘llanmasini taqdim etdi

Arzon aviachiptalar xarid qilish xizmati Aviasales.uz «Uyo-buyo» qo‘llanmasida «Qadriyatlarga hurmat bilan» bo‘limini ishga tushirdi. U sayohatchilarga yo‘nalishlarni rejalashtirishda yordam beradi: bu yerda restoranlar, masjidlar va diqqatga sazovor maskanlar haqida batafsil ma’lumot jamlangan.

Ro‘yxatga kiritilgan har bir joy mutaxassislar tomonidan tekshirilgan va mahalliy musulmonlar tavsiyasiga asoslangan. Bu esa sayohatchilarga tanlov qilishni osonlashtiradi va ular uchun qulay muhit yaratadi.

Misol uchun, Dubayda joylashgan Quranic Park tashrif buyuruvchilarni muqaddas manbalarda tilga olingan o‘simliklar o‘stirilgan bog‘ bilan tanishtiradi. Shuningdek, bu yerda Qur’onda keltirilgan mo‘jizalarni interaktiv tarzda o‘rganish imkoniyati ham mavjud.

Qo‘llanmadagi barcha manzillar shahar xaritalari bilan bog‘langan bo‘lib, bu sayohatchilarga yo‘nalishlarni qulay rejalashtirish imkonini beradi.
​

«Qadriyatlarga hurmat bilan» bo‘limi hozirda Dubay, Kuala-Lumpur ​ va ​ Malagada mavjud bo‘lib, Aviasales.uz sayti va mobil ilovasida taqdim etilgan. Uni topish uchun Aviasales.uz’ga kiring, «Uyo-buyo» qo‘llanmasini oching va kerakli shaharni tanlab, «Qadriyatlarga hurmat bilan» bo‘limiga o‘ting.

Bo‘lim mutlaqo bepul bo‘lib, o‘zbek va rus tillarida foydalanish mumkin.